ANGALIA PICHA;AJALI YAUA WATANO WA FAMILIA MOJA

Gari aina ya Rav 4 lenye namba za usajili T 770 BNP lililopata ajali eneo la Tanangozi, Iringa lililokua likiendeshwa na Bw. Ezekiel Mwaiteleke (Marehemu) majira ya saa sita na nusu mchana na kusababisha vifo vya watu watano wa familia moja papo hapo jana Desemba 4, mwaka huu.

Gari aina ya Scania lenye namba za usajili T 840 BST likiwa na tela lake lenye namba T 566 BNQ…

Gari aina ya Rav 4 lenye namba za usajili T 770 BNP lililopata ajali eneo la Tanangozi, Iringa lililokua likiendeshwa na Bw. Ezekiel Mwaiteleke (Marehemu) majira ya saa sita na nusu mchana na kusababisha vifo vya watu watano wa familia moja papo hapo jana Desemba 4, mwaka huu.

Gari aina ya Scania lenye namba za usajili T 840 BST likiwa na tela lake lenye namba T 566 BNQ likiwa limegongwa kwa nyuma na Toyota Rav 4 huko Tanangozi, Iringa na kusababisha vifo vya watu watano wa familia moja papo hapo.

Wasamaria wema wakitoa moja ya maiti kutoka katika Toyota Rav 4 baada ya ajali jana.

 

Baadhi ya akina mama wasamaria wema wa Tanangozi, Iringa wakijaribu kumpepeleka mmoja ya majeruhi wa ajali iliyotokea jana eneo la Tanangozi, Iringa likihusisha Toyota Rav 4 T 770 BMP lililoingia nyuma ya tela lenye namba za usajili T 566 BNQ ambapo watu watano wa familia moja waliokuwa wakitokea Dar kwenda Mbeya walifariki papo hapo.

---

Na Francis Godwin, Iringa
AJALI mbaya  imetokea  mkoani Iringa jana mchana  na kusababisha  vifo  vya  watu  wanne  wa familia  moja  pamoja na mfanyakazi  wa ndani mmoja.

Ajali  hiyo  imetokea katika  eneo la Tanangozi wilaya ya  Iringa kwenye kizuizi cha barabara  cha mafundi wa kutengeneza barabara  kuu ya Iringa -Mafinga  mkoani Iringa mida ya saa nane mchana.

Kwa mujibu  wa mashuda  wa  tukio   hilo  wameueleza  mtandao  wa  www.francisgodwin.blogspot.com  kuwa  chanzo  cha ajali  hiyo ni dereva wa gari dogo aina ya Rav 4  lenye namba  za usajili T 770 BMP kulipalamia lori  lenye tela kwa nyuma.

Huku  chanzo kikitajwa  kuwa ni kuendesha  kwa mwendo kasi  wa  dereva  wa gari ndogo marehemu Ezekiel Mwaiteleke  na kushindwa  kulimudu na kulipalamia lori kwa nyuma.

Katika ajali  hiyo  abiria  wote  watano akiwemo baba na mama  wa  watoto  wawili  waliokuwemo katika gari  hiyo pamoja na  watoto hao  walikufa papo hapo na maiti  zote  kupelekwa katika Hospitali ya mkoa wa Iringa.

Majina ya  waliokufa  ni pamoja  na Ezekiel Mwaiteleke ambaye ni dereva  wa gari hilo na baba  wa familia  hiyo, mkewe Grace Mwaiteleke, mtoto Kelvin Mwaiteleke (2), Happy Mwandike na mfanyakazi  wao  wa ndani aliyefahamika kwa jina la Linda Ezekiel  huku majeruhi katika ajali  hiyo ni mmoja na amekimbizwa  Hospital ya mkoa  wa Iringa.